مسکوہی حکومت سی پیک ءِ گوجالا، چینی کمپنی تا ویل آک اولیتی بنداو تیا ایسر مریرہ، بنجائی وزیر ڈٹ بندی ، شونداری و اصلاحات احسن اقبال

اسلام آباد۔ 11 مئی (اے پی پی) بنجائی وزیر ڈٹ بندی، شونداری و اصلاحات احسن اقبال پارینے کہ مسکوہی حکومت سی پیک ءِ گوجالا، چینی کمپنی تا ویل آک اولیتی بنداو تیا ایسر مریرہ، سی پیک نا ڈٹ آتیٹی سیکورٹی ءِ پین گچین کینہ، بروک آ بجٹ اٹی ورناتا تعلیم آ خاص چکار کینہ۔ چارشنبے نادے آ نجی میڈیا تون گپ وتران کرسا اوپارے کہ مسکوہی حکومت سی پیک ءِ گوجالا۔ ستمبر 2021 آن سی پیک نا جے سی سی میٹنگ متنے۔ اوپارے کہ عمران خان سی پیک ءِ سرد مہری نا گواچی تخا۔ داسہ سی پیک نا ہر پانزدہ دے اٹی جاچ دیوان اس مریک۔ چینی کمپنی تا ویل آک اولیتی بنداوتیا ایسر مریرہ۔ سی پیک نا ڈٹ آتیٹی سیکورٹی ءِ پین گچین کینہ۔ مسکوہی حکومت شونداری بجٹ ءِ کم کرسا 500 ارب کرے۔ اوپارے کہ مسکوہی حکومت شونداری بجٹ اٹی بھلو کٹوتی اس کرینے۔ بروک آ بجٹ ورناتا بجٹ مریک، بروک آ بجٹ اٹی ورناتا تربیت نا ڈٹ اتینہ۔ احسن اقبال پارے کہ ورناتے روزگار نا وارخواہی فراوان کینہ ، ورناتے گوازی و تفریح نا وارخواہی فراوان کینہ، بروک آ بجٹ اٹی ورناتا تعلیم آ خاص چکار کینہ، بروک آ بجٹ اٹی ہائر ایجوکیشن کن فنڈ آتے ودفنہ۔ اوپارے کہ پوروی نا خڑک ڈٹ آتے پورو کننگ ہم اولیت ءِ۔ ڈٹ ءِ ترندی اٹ پورو کرسا الس ءِ فائدہ ایتنہ۔ اوپارے کہ بروک آ بجٹ بلوچستان اٹی شونداری نا رفتار ءِ ترند کیک، بلوچستان اٹی شونداری امن نا کوشست آتے سرسہب کیک۔