اسپیکر قومی اسمبلی نا وزیر پارلیمانی امور ءِ پارت

اسلام آباد۔ 11 مئی (اے پی پی) اسپیکر قومی اسمبلی راجہ پرویز اشرف وزیر پارلیمانی امور ءِ پارت کرینے کہ ایوان اٹ باسک اسے نا کنڈآن چست کروک آ باندات یا سوج انا ورندی ءِ تعلقدار وزیر ءِ تننگ نا پابند کننگے۔ چارشنبے نادے آ قومی اسمبلی ٹی اعتراضی ٹک آ مسلم لیگ (ن) نا قومی اسمبلی نا باسک شیخ روحیل اصغر پارے کہ دیوان نا وخت 11 ءُ نیم بجہ ئسک، المی ئس کہ دیوان  وخت آ بناکروسس۔ نی بنجائی وزیر و وزیراعظم رہینگانس ننے بردباری اٹ دا پک کروئی مریک کہ مستین اٹ انتس کہ مس اوفتے تینا رویہ غاتے اٹ سہی کروئی  ءِ۔ ڈاکٹر فہمیدہ مرزا ہراہیت ءِ کرینے اوڑآن است گرفتہ اُٹ۔ ننے ہر باسک انا ہیت ءِ خفتوروئی ءِ۔ اسپیکر وزیر پارلیمانی امور ءِ پارت کرے کہ اگہ باسک اسے نا کنڈآن باندات یا سوج اس ہرفنگک تو تعلقدار وزیر  بایدے اونا ورندی ءِ ایتے۔