سندھ اتون اوار مچ آ ملک اٹی دیر انا کاختی نا ویل آ قومی اسمبلی ٹی تعلقدار وزیر (اینو) پنچ شنبے آ سرجم ءُ بیان اس ایتک، بنجائی وزیر سید نوید قمر

اسلام آباد۔ 11 مئی (اے پی پی) قومی اسمبلی ءِ باور کرفنگانے کہ سندھ اتون اوار مچ آ ملک اٹی دیر انا کاختی نا ویل آ قومی اسمبلی ٹی تعلقدار وزیر (اینو) پنچ شنبے آ سرجم ءُ بیان اس ایتک۔ چارشنبے نادے آ قومی اسمبلی ٹی اعتراضی ٹک آ جی ڈی اے نا غوث بخش مہر پارے کہ سندھ ءِ دیر انا کمتی مون تروک ءِ۔ داتسکان کہ ساہدار تا کُننگ کن ہم دیر اف۔ دابابت ننا ہیت ءِ بِنسا ورندی تننگے۔ داپاننگ انگ ءِ کہ دا بابت قرارداد اس بننگ ءِ ننے پت اٹ ہلنگے۔ بنجائی وزیر سید نوید قمر پارے کہ مچ آ ملک اٹی دیر انا کاختی 50 درسد آن زیات مسنے، سندھ انا شیفکو ضلع غاک داحالیت آتیان بھاز زہمی ءُ۔ آبی وسیلہ نا بنجائی وزیر دا مچ آ حالیت آتے ہُننگ ءِ۔ اگہ اینو آخا تو پگہ دا باندات آ تعلقدار وزیر جامع بیان اس ایتک۔ شیخ فیاض الدین پارے کہ سندھ اٹی دیر انا کاختی ءِ۔ داتم اسکان ننا 20 ہزار ساہدار کسکنو، داویل آ ایوان اٹ شرہ کرفنگے۔ اسپیکر پارے کہ دااہم ءُ ویل اسے داڑآ شرہ کرفنگک۔ ڈاکٹر فہمیدہ مرزا ذاتی نکتہ وضاحت آ پارے کہ حکومتی نشست آتیا تولوک آ مخلوق  صبر و تحمل نا درشانی ءِ کے۔ ای مدام سندھ انا دیر انا ویل آ ہیت کرینٹ۔ اگہ سینئر پارلیمنٹرین اس ہیت کیک تو پوسکن بروک آ خیال ءِ کننگے۔ سندھ اٹی دیر انا ویل ننا زند انا ویل ءِ۔ غٹ بیراج آتیان بریبری نا بنداو آ دیر جاری کننگے۔ اوپارے کہ ننے برداشت کننگے ورنہ نن دا مچ آ ہیت آتے پیشن ہنسا کننگ آ بیوس مرینہ۔