مسلم لیگ ن نا راہشون حنیف عباسی نا ایفی ڈرین مقدمہ ٹی سزا نا برخلاف اپیل نا زوت سماعت کن متفرق درخواست آ اے این ایف ءِ نوٹس جاری

لاہور۔ 11 مئی (اے پی پی) لاہور ہائی کورٹ مسلم لیگ ن نا راہشون حنیف عباسی نا ایفی ڈرین مقدمہ ٹی سزا نا برخلاف اپیل نا زوت سماعت و اودے لاہور آ گدریفنگ کن متفرق درخواست آ اے این ایف ءِ نوٹس جاری کرسا 18 مئی آ ورندی بٹنگا۔ قائم مقام چیف جسٹس لاہور ہائی کورٹ جسٹس ملک شہزاد احمد حنیف عباسی نا متفرق درخواست نا سماعت ءِ کرے۔ سماعت اٹی درخواست گزار نا وکیل احسن بھون عدالت ءِ پارے کہ مسلم لیگ ن نا راہشون ءِ سیاسی بنداو تیا جوڑ مقدمہ ٹی اوار کننگا۔ ہندا مقدمہ ٹی اودے 14 سال بندی نا سزا بنفنگا۔ عدالت ءِ پاننگاکہ لاہور ہائی کورٹ سزا غا عملدرآمد ءِ معطل کرسا یلہ کرے ولے داسکان استغاثہ نا کنڈآن دائر اپیل نا فیصلہ متنے۔ درخواست گزار نا وکیل پیدوار کرے کہ داسہ لس گچین کاریک خڑک ءُ ہنداخاطرآن اپیل ءِ زوت سماعت کن مقرر کننگ نا پرمان کننگے۔ درخواست اٹی داہم خواست کننگانے کہ اپیل ءِ سماعت کن لاہور نا عدالت عالیہ ٹی گدریفنگ نا پرمان کننگے۔