مچ آ ملک اٹی 24 گھنٹہ ٹی 15 ہزار 370 کورونا ٹیسٹ ، مثبت کیس آتا کچ 0.43 درسد ئسک۔ این آئی ایچ

اسلام آباد۔ 11 مئی (اے پی پی) مچ آ ملک اٹی 24 گھنٹہ ٹی کورونا دین انا 15 ہزار 370 ٹیسٹ کننگا ہرافتیان 66 مثبت ئسر۔ این آئی ایچ نا کنڈآن چارشنبے نادے آ جاری ٹویٹ نا رداٹ تدوک آ 24 گھنٹہ ٹی 15 ہزار 370 کورونا ٹیسٹ کننگانے ہرافتیان 66 بندغ آتا کورونا ٹیسٹ مثبت بسنے، ہندا وڑ مثبت کورونا ٹیسٹ آتا کچ 0.43 درسد ئسک۔ داوخت آ کورونا دین آن اسہ ناجوڑ اس زوال کرے وخت اس کہ 98 ناجوڑ آتا حالیت نازرک ءِ۔