قائم مقام گورنر نا زمواری ءِ سنبھالنگ اسپیکر پنجاب اسمبلی نا آئینی زمواری ءِ، اٹارنی جنرل اشتراوصاف

اسلام آباد۔ 11 مئی (اے پی پی) اٹارنی جنرل اشتراوصاف پارینے کہ قائم مقام گورنر نا زمواری ءِ سنبھالنگ اسپیکر پنجاب اسمبلی نا آئینی زمواری ءِ۔ چارشنبے نادے آ داڑے سپریم کورٹ نا پیشن صحافی تتون غیر رسمی گپ وتران اٹی اَریفوک آ اسہ سوج اسے نا ورندی ٹی اوپارے کہ پرویز الٰہی تینا آئینی زمواری و سوغند آن امر انکار کننگ کیک، قائم مقام گورنرنا زمواری ءِ سنبھالنگ اسپیکر نا آئینی زمواری ءِ۔ آرٹیکل 63 اے انا تشریح نا بابت دائر صدارتی ریفرنس اٹی پیش مننگ نا بابت سوج انا ورندی ٹی اٹارنی جنرل پارے کہ سپریم کورٹ بٹنگک تو او ضرور پیش مریک۔