این سی او سی کورونا دین اٹی بھاز جوان کاریم کرینے، این سی اوسی آن ڈینگی نا توننگ کن ہم خذمت ہلنگ مریک، ڈاکٹر فہمیدہ مرزا

اسلام آباد۔ 11 مئی (اے پی پی) مسکوہی اسپیکر قومی اسمبلی و اپوزیشن باسک ڈاکٹر فہمیدہ مرزا این سی او سی نابحالی ءِ گچین ءُ گام اس گوندسا پارینے کہ نیشنل کمانڈ اینڈ آپریشن سینٹر (این سی او سی) کورونا دین اٹی بھاز جوان کاریم کرینے، داڑآن ڈینگی نا توننگ کن ہم خذمت ہلنگ مریک۔ چارشنبے نادے آ قومی اسمبلی ٹی گپ وتران کرسا ڈاکٹر فہمیدہ مرزا پارے کہ این سی او سی نا بحالی گچین ءُ گام اسے۔ این سی او سی جوان کاریم کرے۔ ڈینگی ءِ ہم اونا ماتحت کننگے۔ اوپارے کہ سوشل سیفٹی نیٹ ورک نا آخیریکو قسط ءِ توننگانے اودے جاری کننگے۔ احساس تون اوار تدوک آپروگرام اٹی رہینگوک آ زہمی تے نظرثانی ٹی اوار کننگے۔