وزیر ءِ تہی کار رانا ثنا ء اللہ ءَ گوں پاکستان ءَ پوسٹیں برطانو ہائی کمشنر  ڈاکٹر کرسچن ٹرنر ءَ گوں گند ءُ نند 

اسلام آباد۔10مئی  (اے پی پی):پاکستان ءُ برطانیہ ءَ دو نیمگی یکوئی  آنی دیمروئی ءِ واستہ  وزارت ءِ تہی کار ءُ برطانوی ہوم کارگس ءِ  نیام ءَ رابطہ آناں مھکم کنگ ءِ سر ءَ تپاک کتگ۔ سئے شمبے ءَ وزارت ءِ تہی کار ءِ نیمگ ءَ جاڑی بوتگیں بیان ءِ  رد ءَ وزیر  ءِ تہی کار  رانا ء ثنا اللہ ءَ گوں پاکستان ءَ پوسٹیں برطانوی ہائی کمشنر  ڈاکٹر کرسچن  ٹرنر ءَ گوں گند ءُ نند کت  ایشی ءَ تہ ءَ   پاک۔ برطانیہ  دو نیمگی یکوئی  ءَ ھوار  وت مہ وتی واھگی کار  آنی سر ءَ گپ ءُ تران کنگ بوت۔ برطانوی ہائی کمشنر ءَ وزیر ءِ تہی کار  ءِ  سیٹ ءِ گرگ ءِ پد ءَ رابا  ثنا ء اللہ ءَ را مبار بات دات۔   وزیر ءِ تہی کار ءَ پاکستان ءَ  جان سلامتی، وانگ  ءُ زانگ ءُ بنی آدمی دیمروئی ءَ برطانوی حکومت ءِ کرد ءِ توسیپ کت۔ گند ءُ نند ءَ دو نیمگی یکوئی  ءَ ابید  سہرا بوھوکیں جغرافیائی، سیاسی  ءُ دمگی جاور ھال آنی سر ءَ  گپ ءُ تران کنگ بوت۔  پریک آں دو نیمگی یکوئی   آنی دیمروئی ءَ وزارت ءِ تہی کار ءُ برطانوی ہوم کارگس ءِ نیام ءَ  رابطہ  آنی مھکم کنگ ءِ سر ءَ تپاک کت۔ وزیر ءِ   تہی کار ءَ گوشت کہ پاکستان، برطانیہ ءِ گوما  وتی دو نیمگی یکوئی آناں  باز شرپ ءِ نگاہ ءَ چار ایت۔  آئی ءَ گوشت کہ برطانیہ ءَ  نندوکیں پاکستانی آناں ملک دیمروئی ءَ باز  ارزشتی ایں  کرد ءِ است انت۔ پاکستان ءُ برطانیہ ءِ نیام ءَ  سیل  ءُ  سواد، تجارت ءُ کاروباری موہ آنی ٹوھیں پوٹیشنل ءِ است انت۔ برطانوی ہائی کمشنر  ءَ گوشت کہ پاکستان ءُ برطانیہ ءِ نیام ءَ سفارتی  یکوئی برجا بوتگ  انت ایشاناں 75 سال سرجم بوتگ،  وت مہ وتی آنی مھکمی ءَ پاکستانی مردم کہ برطانیہ ءَ  جاہ مہ نند انت، لائک ءِ ستا انت۔  آئی ءَ گوشت کہ ناشرکاری ءُ  ناشرکار آنی گوما گر ءُ چیل بوھگ  ءِ واستہ یکجائی  گامگیج  ءِ ضلورت انت۔