عمران نیازی یک شل ءَ کانود ءَ را لگت مال کنگ ءَ انت،  گوستگیں چار سال  ءَ کشت ءُ کشاری  توم آنی بند ءُ بست ءِ  رد ءَ اچ رنگیں گامگیج نہ کنگ ءِ سبب ءَ  اے پڑ باز آماچ بوتگ، شکر ءِ برآمد ءِ سر ءَ بندش  جتگ، بنجاھی وزیر  اھوالکاری ءُ شنگ کاری مریم اورنگزیب ءِ کابینہ ءِ دیوان ءَ چہ پد  میڈیا ءَ گوں تران

اسلام آباد۔10مئی  (اے پی پی): بنجاھی وزیر اھوالکاری ءُ شنگ کاری مریم اورنگزیب ءَ گوشت کہ عمران نیازی  یک شل  ءَ کانود ءَ را  لگت مال کنگ ءَ نت،  پنجاپ  ءَ دوارگ  کانود  ءِ لگت مال کنگ ءِ پندل ساچگ بوھگ ءَ انت، گوستگیں چار سال آنی  ھرابیں پالیشی ءِ سبب ءَ کشت ءُ کشاری  ھرابیں  پالیشی آنی سبب ءَ   اے پڑ آماچ بوھگ ءَ  انت۔  ھمروچگیں سامان  آنی نیاد آنی  مانیٹرنگ کنگ  بوھگ ءَ انت۔  ملک ءَ   لوٹ ءِ رد ءَ  شکر  ءِ   امبار است انت۔  شکر ءِ  برآمد  ءِ  سر ءَ  بندش  جنگ بوتگ۔  پدا ھم  الس ءَ را سستائیں  نیاد ءَ شکر پجاری کنگ ءَ دل یکیمی کنگ بہ بیت۔  کابینہ ءَ ملک ءَ لوڈ شیڈنگ ءُ  ھمروچگیں سامان آنی نیاد   ءِ ھوالگ ءَ  ھم سرپد کنگ  بوتگ۔  اولی  رند ءَ دوستیں ملک آنی کرا یک انچیں اسٹریٹجک پلان  ءِ زرتگ ءُ برتگ ایش ایوک ءَ  گرانٹ ءِ  سر ءَ  نہ انت بلکینگ ءَ پاکستان ءِ الس  ءِ گوما پراجیکٹس، روزگار ءُ ریلیف ءِ سرجمیں وژن  ءِ سر ءَ انت۔  سئے شمبے ءَ  ادا  بنجاھی کابینہ ءِ دیوان ءَ چہ میڈیا  ءَ را بریفنگ  دیان ءَ آئی ءَ گوشت کابینہ ءِ دیوان ءَ مزن وزیر  ءَ سعودی عرب ءُ یو اے ای ءِ تر ءُ تاب ءِ  ھوالگ ءَ  سرجمیں ھال آنی بابت  سرپد کت۔ آئی ءَ گوشت کہ اولی رند ءَ  دوستیں  ملک آنی گوما یک انچیں اسٹریٹجک پلان  ءِ زرتگ ءُ  برتگ ایش گرانٹ ءِ سر ءَ انت بلکینگ  ءَ پاکستان ءِ الس آنی  واستہ  پراجیکٹس ، روزگار، ریلیف ءِ  یک سرجمیں  وژن  ایگ انت۔  آئی ءَ گوشت کہ   ائید ءِ روچ ءَ یو اے ای ءَ چہ اقتصادی کلانہ ایں  مردم آنی گل ھم پاکستان  ءَ اتکگ۔   مئے اقتصادی ، ھاٹیگ  ءُ پاور  ءِ ٹیمب  اے منصوبگ  آنی سر ءَ کار کنگ ءَ انت،  الس ءَ را سرپد  کناں کہ کجام کجام منصوبگ  سعودی  عرب ءُ یو اے ای ءِ گوما  سرجم کنگ بیت۔  آئی ءَ گوشت کہ بنجاھی وزیر  ھاٹیگ ءَ کا بینہ  ءَ ملک ءَ توان ءِ جاور ھال  ءِ ھوالگ ءَ سرجمیں  بریفنگ  دات۔  ٹرانسمیشن ، لوڈشیڈنگ ءِ سر ءَ سرجمیں  گامگیج   رد ءُ بند کنگ بوتگ۔  آئی ءَ گوشت کہ حکومت  الس ءَ را ریلیف  دیگ  لوٹ ایت۔   گوستگیں چار سال آنی ساھت ءَ  گندم ِ  کشت ءُ کشار  ءِ  پڑ ءَ  را اچ رنگیں  آسراتی دیگ نہ بوتگ۔   آئی ءَ گوشت  کہ گوستگٰں چار سال آنی ساھت ءَ اھوالکار، ورکنگ جرنلسٹس، کیمرہ مین ، رپورٹرز  آنی ھار آں  گوں شر سرپد  آں،  اے  جیڈھ ءِ  وت نگرانی ءَ  کنگ ءَ آں، میڈیا مالکان ءِ گوما  یکجائی ءَ اے  پڑ ءَ گامگیج کناں  تانکہ  اچ  اھوالکاری ظلم ءِ آماچ مہ بیت۔