بنجاھی وزیر احسن اقبال ءَ گوں امریکی ناظم الامور انجیلا ایگلر ءِ گڈی برو پہ ھیری  گند ءُ نند

اسلام آباد۔10مئی  (اے پی پی): بنجاھی وزیر برائے منصوبگ بندی دیمروئی ءُ گہتری  ءُ ھاسیں  گامگیج احسن اقبال ءَ گوں امریکہ ناظم الامور انجیلا ایگلر ءَ سئے شمبے ءِ روچ ءَ  گڈی برو پہ ھیری گند ءُ نند کت۔ گند ءُ نند ءَ وت مہ وتی واھگی کار آنی ھوالگ ءَ  چار ءُ بچار کت۔ اے موہ ءِ سر ءَ  بنجاھی وزیر احسن اقبال ءَ گوشت کہ پاکستان ءُ امریکہ  ءِ نیام ءَ یکوئی ءَ را اقتصادی، وانگ ءُ زانگ ءُ ٹیکنالوجی ءِ شوبگ ءَ  دیمروئی دیگی انت، امریکہ  دانشگاہ آنی دیمروئی ءِ شوبگ  ءَ کرد سک باز ارزشتی انت۔  احسن اقبال ءَ گوشت کہ امریکہ  دانشگاہ آنی تہ ءَ پاکستانی ورنا  آنی واستہ  پاک امریکہ نالج کارڈور بندات کتگ، پاکستانی نودربر  آنی واستہ  امریکہ ویزا ءِ آسراتی  ءَ را ودینگ  لوٹ ائیت۔  آئی ءَ گوشت کہ پاکستان ءُ امریکہ  ءِ نیام ءَ یکوئی وت مہ وتی  شرپ ءِ بنیات ءَ مھکم  بوت کناں، مئے ترجی ٹیکنالوجی  ءِ شوبگ ءَ امریکی سرمایہ کاری  در جنگ انت۔  احسن اقبال ءَ گوشت کہ امریکہ کمپنی پاکستان ءِ  بلدکاریں مردم آں چہ  سیت چست کت کنت۔ امریکہ ناظم الامور ءَ گوشت کہ وانگ ءُ زانگ ءِ شوبگ ءَ گیش  کمک آناں  وش اتک  کناں۔