بنجائی وزیر خزانہ ریونیو مفتاح اسماعیل و چیئرمین ایف بی آر عاصم احمد تون فیڈریشن چیمبر نا ڈل انا اوڑدہی

لاہور۔ 10 مئی (اے پی پی) بنجائی وزیر خزانہ مفتاح اسماعیل و چیئرمین ایف بی آر عاصم احمد تون فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نا صدر عرفان اقبال شیخ، سینئر نائب صدر محمد سلیمان چاولہ و ریجنل چیئرمین محمد ندیم قریشی تون اوار ایلو نائب صدر آک اوڑدہی کرینو، اوڑدہی ٹی ڈل بنجائی بجٹ 2022-23اٹی سجفنگ کن سلاہ پیش کریر۔ فیڈریشن چیمبر نا صدر عرفان اقبال شیخ و ریجنل چیئرمین محمد ندیم قریشی بنجائی وزیر خزانہ ءِ مبارکبادی تسر و بنجائی بجٹ نا بابت چندی سلاہ پیش کریر و ملک اٹی کاروباری برادری ءِ مون تروک خراج نا نظام نا بابت ویل آتا بارواٹ معلومدار کریر۔ وزیر خزانہ حکومت و بزنس کمیونٹی نا نیام اٹ اسہ پول انا کڑد ءِ ادا کننگ آ ایف پی سی سی آئی نا گچین کڑد ءِ امنا کرے ۔ وزیر خزانہ زرگزران نا چندی بشخ آتیکن فیڈریشن چیمبر عہدیدار آتا کنڈآن سلاہ ئی بجٹ سلاہ تا ستاءِ کرے۔ داوخت آ محمد ندیم قریشی کشت وکشار و کاٹن نا گروتھ نا بابت وزیر خزانہ ءِ  حوال تس و پارے کہ پاکستان اٹی غٹ فصل آتا فی ایکڑ پیدوار ایلو ملک آتا مقابلہ ٹی بھاز کم ءِ ہراٹی ودکی کن گام گیج کننگے، ہراڑآ وزیر خزانہ سلاہ تے امنا کرسا کشت وکشار نا شونداری کن دمدستی وڑاٹ اسہ بڑزکو کہولی کمیٹی اس جوڑ کرسا دُوارہ دیوان  ءِ بٹنگ نا قول کرے۔ وزیرخزانہ مفتاح اسماعیل ڈل ءِ زرگزرانی سوگوی نا بابت حکومتی گام گیج آتا بارواٹ معلومدار کرے و پارے کہ حکومت سختی اٹ ملک اٹی شونداری نا جم کہول ءِ گچین کننگ کن گچین پالیسی تا کمک اٹ مالیاتی نظم و ضبط ءِ پک کننگ کن سنبرینگوک ءِ۔ غٹ اسٹیک ہولڈر آتا سلاہ تے ہُننگک۔ ایف پی سی سی آئی ڈل زرگزرانی سوگوی ءِ ودفنگ اٹ کمکاری نا باور کرفے۔