بنجائی وزیر حوالکاری و شینکاری مریم اورنگزیب نا بیان

اسلام آباد۔ 10 مئی (اے پی پی) بنجائی وزیر حوالکاری و شینکاری مریم اورنگزیب عمران خان نا بیان ءِ آئین شکنی نا زی آ غنڈہ گردی اس گوندسا پارینے کہ آئین نا خواست آتا ہیت عمران صاحب نا سیاسی منافقت ءِ داامر درو کننگ ءِ؟۔ سے شنبے نادے آ تینا اسہ بیان اسے ٹی اوپارے کہ عمران نیازی قومی اسمبلی ٹی آئین شکنی و غنڈہ گردی کرسا ہرا شرمناک تماشہ ءِ کرے، ہمودے پنجاب اٹی ہم ولدا کرے۔ اوپارے کہ عمران نیازی و اونا دُتک آتا رویہ نا سوب آن عدالت آتا درگہ ءِ نن نیمہ غا ملنگا، نن نا تہار مئی ٹی دُزآتیانبار او آئین وپارلیمنٹ آ جلہو کرے تو نن آ عدالت لگا۔ اوپارے کہ عمران نیازی دے انا روشنائی ٹی آئین ءِ لتاڑک و غنڈہ گردی کیک۔ بنجائی وزیر حوالکاری پارے کہ توہین عدالت نا ڈوہدار عدالت آن نوٹس ہلنگ نا اپیل ہراباہ اتون کننگ ءِ؟ اوپارے کہ عمران خان پاکستان نا الس نا دولت ءِ پلا، باوقار آئینی عہدہ ءِ فرح گوگی نا کمک اٹ مال جوڑ کننگ نا ذریعہ جوڑ کرے۔ عمران نیازی تینا فسطائی سیاہ کڑد ءِ ہرے ہرانا تاریخ مدام مذمت ءِ کرسا کیک۔ مریم اورنگزیب پارے کہ عمران خان نا پرمان آ آئینی مناصب نا توہین کننگا، صدر، گورنر ، اسپیکر و ڈپٹی اسپیکر غٹ آئین ءِ لتاڑار۔