بنجائی وزیر اوورسیز پاکستانیز ساجد حسین طوری نا ورکرز ویلفیئر فنڈ کمامدارآتون اوڑدہی، برطرف ملازم آتا کیس انا بارواٹ حوال

اسلام آباد۔ 10 مئی (اے پی پی) بنجائی وزیر اوورسیز پاکستانیز ساجد حسین طوری ورکرز ویلفیئر فنڈ انا کمامدارآتون اوڑدہی کرے و ورکرز ویلفیئر بورڈ کے پی کے نا 2300 برطرف ملازم آتا کیس انا بارواٹ حوال تس۔ داوخت آ گپ وتران کرسا بنجائی وزیر ساجد حسین طوری پارے کہ غٹ اسٹیک ہولڈر آتے معقول ایسر اس پٹنگ نا گرج ءِ۔ اوبرطرف ملازم آتا باندات آ تینا گڑتی نا درشانی ءِ کرے انتئے کہ سپریم کورٹ نا کنڈآن نظرثانی نا درخواست ءِ خارج کننگانے۔ وزیر پارے کہ دافیصلہ ہمو ملازم آتیٹی فریشانی نا سوب مریک ہرا تینا سروس ءِ برجاتخنگ نا کوشست کننگ ءُ۔ اوملازم آتے باور کرفے کہ او دانا گچین ءُ ایسر اس پٹنگ نا ہرممکن کوشست کیک۔ دامسخت کن وزیر لیبر خیبرپختونخوا شوکت یوسفزئی و چیئرمین ورکرز ویلفیئر بورڈ اتون اسہ مٹینگ اس بٹنگ انگانے  ہراٹی غٹ اسٹیک ہولڈر آتے اوار کرسا آخبت نا کسر اس پٹنگک۔