پاکستان نا کنڈآن اوغانستان نا نوکاپ نا زہمی تیکن ریلیف گڑاتا ارٹ میکو کھیپ روانہ

اسلام آباد۔ 10 مئی (اے پی پی) پاکستان نا کنڈآن اوغانستان نا نوکاپ آن زہمی تیکن کمکی گڑاتا ارٹ میکو کھیپ ءِ روانہ کننگا۔ نیشنل ڈیزاسٹر مینجمنٹ اتھارٹی نا ترجمان نا رداٹ وزیراعظم محمد شہباز شریف نا پارت آ این ڈی ایم اے پاکستان ایئر فورس انا C-130جہاز انا کمک اٹ اوغانستان نا نوکاپ آن زہمی تیکن ریلیف گڑاتا ارٹ میکو کھیپ ءِ مزار شریف کن روانہ کرینے۔ ریلیف گڑاتا دا کھیپ فیملی ٹینٹ، نُت، برنج و بورہ غاتیا تالان ءِ۔ یات سلے کہ دا چرجوئی نا اولیکو کھیپ ءِ 7 مئی آ روانہ کننگاسس۔