الس ءِ کنوئی آ گڑاتا اڑزآن نرخ آتیا فراوانی ءِ پک کننگ کن خصوصی بست وبند کننگے، وزیراعظم شہباز شریف نا بنجائی وزیر خزانہ مفتاح اسماعیل ءِ پارت

لاہور۔ 09 مئی (اے پی پی) وزیراعظم شہباز شریف الس نا راجی آسودہی کن زرگزرانی مشکل آتا گچین توننگ کن جامع حکمت عملی اس تیار کننگ و کنوئی آ گڑاتا اڑزآن نرخ آتیا فراوانی ءِ پک کننگ نا پارت کرینے۔ وزیراعظم آفس نا میڈیا ونگ آن جاری بیان نا رداٹ اوداپارت ءِ بنجائی وزیر خزانہ مفتاح اسماعیل تون گپ وتران کرسا کرے ہرا دوشنبے نادے آ داڑے اوڑتون اوڑدہی کرے۔ داوخت آ صدر حبیب بینک محمد اورنگزیب، چیف سیکرٹری پنجاب و ایلو بڑزکو کمامدارآک ہم ساڑی ئسر۔ وزیراعظم شہباز شریف مون تروک زرگزرانی مشکل آتے الس نا راجی آسودہی کن گچین وڑاٹ ایسر کننگ کن جامع حکمت عملی اس تیار کننگ نا پارت کرے۔ وزیراعظم شہباز شریف پارے کہ الس ءِ کنوئی آ گڑاتا اڑزآن نرخ آتیا فراوانی ءِ پک کننگ کن خصوصی بست وبند کننگے۔ داکان بیدس وزیراعظم بینکاری نظام ءِ لس بندغ نا زرگزرانی راجی آسودہی کن آسان کننگ آ زور شاغا۔