وزیراعظم شہباز شریف بورہ نا برآمد آ پابندی خلک، اول الس نا گرج آتے پورو کننگ نا پارت

اسلام آباد۔ 09 مئی (اے پی پی) وزیراعظم شہباز شریف بورہ نا برآمد آ پابندی خلسا پارت کرینے کہ اول الس نا گرج آتے پورو کننگے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ وزیراعظم شہباز شریف ملک اٹی بورہ نا کوڑی و نہاد ءِ سوگو تخنگ کن بورہ نا برآمد آ پابندی خلنگ نا فیصلہ کرینے و پارت کرینے کہ اول الس نا گرج آتے پورو کننگے و بورہ نا نہاد ءِ سوگو کننگے۔ وزیراعظم سمگلنگ نا برخلاف سخت گام گیج آتا ہم پرمان کرے و پارت کرے کہ کوڑی کروک، ناروا منافع خور و تینے آن کاختی ودی کروک آتون سختی اٹ مون تننگے۔ وزیراعظم تعلقدار ادارہ غاتے تینا پرمان تیا گچین عملدرآمد آن پدریسہ معلومدار کننگ نا ہم پارت کرے۔ وزیراعظم خبڑدار کرے کہ دا چرجوئی ٹی ڈیوالئی مس تو تعلقدار آفیسر و عملہ زموار مریک۔