لاہور احتساب عدالت، سبطین خان تون اوار 8 دوبہ دار آتا برخلاف ریفرنس نا سماعت 32 مئی اسکا ن ملتوی

لاہور۔ 09 مئی (اے پی پی) لاہور نا احتساب عدالت تحریک انصاف نا مسکوہی صوبائی وزیر و پنجاب اسمبلی ٹی پی ٹی آئی نا پارلیمانی لیڈر سبطین خان تون اوار 8 دوبہ دار آتا برخلاف چنیوٹ اٹی واکداری تیان گدرینگسا کانود نا برخلاف من پسند کمپنی ءِ مائنز نا ٹھیکہ تننگ نا مقدمہ ٹی ریفرنس نا سماعت ءِ 23 مئی اسکان پد بٹے و بروک آ سماعت آ سبطین خان نا بریت نا درخواست آ فریق آتا وکیل آتیان حتمی دلیل بٹنگا۔ احتساب عدالت نا جج محمد ساجد علی اعوان کیس انا سماعت ءِ کرے۔ مسکوہی صوبائی وزیر سبطین خان و ایلو دوبہ دار آک دوشنبےنادے آ عدالت اٹ پیش مسر ، سبطین خان نیب ریفرنس نا کانودی حیثیت ءِ چیلنج کرینے وخت اس کہ شریک دوبہ دار شاہد فرد جرم نا کارروائی ءِ توننگ کن درخواست دائر کرینے۔ سبطین خان نیب ترمیمی آرڈیننس ءِ مون آ تخسا پراسیکیوٹر جنرل ءِ ریفرنس گدریفنگ نا خواست کرینے ہراٹی موقف اختیار کننگانے کہ عدالت اٹ ریفرنس دائر کننگ نا بابت پراسیکیوٹر جنرل نا رضامندی ءِ ہلنگتو۔ عدالت مستی سماعت ءِ 23 مئی اسکان پدبٹے۔ ریفرنس نا ایلو دوبہ دار آتیٹی رامنظرحیات، مسکوہی سیکرٹری محکمہ کانڑکن و معدنیات امتیاز احمد چیمہ، مسکوہی جنرل منیجر محمد اسلم و چیف انسپکٹر معدنیات پنجاب عبدالستار ، سلمان غنی اوار ءُ۔ نیب انا کنڈآن عدالت اٹ دائر ریفرنس نا رداٹ سبطین خان آ 2007 اٹی بحیثیت صوبائی وزیر معدنیات پنجاب خلاف کانود چنیوٹ ٹی ارب آ روپئی مالیت نا مائنز نا ٹھیکہ من پسند کمپنی ءِ تننگ نا دوبہ ءِ۔ ریفرنس اٹی سبطین خان تون اوار غٹ دوبہ دار آتا لاہور ہائی کورٹ آن 19 ستمبر 2019 نا ضمانت آتے منظور کننگاسس۔