وزیر جان جوڑی عبدالقادر پٹیل نا نجی ٹی وی نا ہیلتھ رپورٹر شبیر حسین نا کزیت آ ہڑزخواہی

اسلام آباد۔ 09 مئی (اے پی پی) وزیر جان جوڑی عبدالقادر پٹیل نجی ٹی وی نا ہیلتھ رپورٹر شبیر حسین نا کزیت آ است ہسونی نا درشانی ءِ کرینے۔ دوشنبےنادے آ تینا بیان اٹی اوپارے کہ ہیلتھ رپورٹر شبیر حسین نا ناگہانی مرک آ بھاز است ہسونی مسنے ہرادے لوز آتیٹی بیان کننگ کپرہ۔ وزارت جان جوڑی نا غٹ ادارہ غاک اونا اناگت مرک آن افسردہ ءُ۔ اوپارے کہ ایماندار نا خاہوت آتا ڈکھیائی ٹی بریبر نا شریک اُن۔ اوپارے کہ اللہ تعالیٰ اونا خاہوت ءِ صبر و جمیل عطاکے و ایماندار ءِ جنت الفردوس اٹی بڑزکو ہند اس عطاکے۔ ترجمان وزارت قومی جان جوڑی پارے کہ ہیلتھ انا بشخ اٹی ایماندار نا پروفیشنل خذمت و رپورٹنگ ءِ وزارت جان جوڑی ٹی مدام یات تخنگک۔ اوپارے کہ ایکسپریس نیوز اینو اسہ خواری کش و پروفیشنل رپورٹر اسے آن محروم مسنے۔ اوپارے کہ ایماندار شبیر حسین اسہ پروفیشنل ءُ رپورٹر اس ئسک۔ اوپارے کہ اونا خاہوت نا صبر اکن دعا کیوہ، داڈکھیائی نا ساہت اٹ بریبر نا شریک اُن۔