گلیشیئر نا دیر مننگ آن ہچ ءُ جانی نسخان اس متنے، زہمی مخلوق ءِ آباد کننگ کن مچ آ وسیلہ غاتے کاریم اٹ اتینہ، قمر زمان کائرہ

اسلام آباد۔ 09 مئی (اے پی پی) وزیراعظم نا سلاہکار امور کشمیر و گلگت بلتستان قمر زمان کائرہ پارینے کہ گلیشیئر نا دیر مننگ آن ہچ ءُ جانی نسخان اس متنے، زہمی مخلوق ءِ آباد کننگ کن مچ آ وسیلہ غاتے کاریم اٹ اتینہ۔ دوشنبے نادے آ میڈیا تون گپ وتران کرسا اوپارے کہ گلیشیئر نا دیر مننگ و نوکاپ آن الحمداللہ ہچ ءُ جانی نسخان اس متنے ، اسہ پول و دہ اُراءِ نسخان رسینگانے۔ اوپارے کہ زہمی مخلوق ءِ آباد کننگ کن مچ آ وسیلہ غاتے کاریم اٹ اتینہ۔ خور و تیل انا پورو سپلائی ساڑی ءِ۔ اوپارے کہ گیگ بدل کسر تے اٹ ہم خور و تیل انا فراوانی ءِ پک کننگ انگ ءِ ، گیگ بدل کسر تے اٹ سیل و سواتی تا ہِننگ و بننگ نا کسر آک ملوک ءُ۔ نن وخت آ این ایچ اے و ایم ڈی ایم اے ءِ متحرک کرین۔ عارضی پول انا لوکیشن ءِ طے کرسا زوت آن زوت تفنگک۔ وزیراعظم پارت کرے کہ آخبت پول انا ڈیزین ءِ فائنل کرسا زوت تفنگ نا بنا ءِ کننگے۔