گلگت بلتستان ، الس  ءِ جان ءُ مال ءِ  رکھینگ ءُ    آواناں ایمنیں جاھ آں سر کنگ دل یکیمی  جوڑ کنگ بہ بیت، مزن وزیر شہباز شریف  ءِ شیشپر گلیشیئر  گورم ءَ چہ  آپ ءِ رمبگ  ءِ ھوالگ ءَ تباہی  ءِ پد  ءَ  ایمرجنسی گامگیج کنگ ءِ حکم

اسلام آباد۔8مئی (اے پی پی): مزن وزیر شہباز شریف  ءَ شیشپر گلیشیئر گورم ءَ چہ آپ ءِ رمبگ ءَ چہ  بوھوکیں  تباہی ءُ سیلاپ ءِ  ھوالگ ءَ  ایمرجنسی رد ءَ گامگیج کنگ ءِ  حکم داتگ ءُ گوشت گ کہ الس ءِ جان ءُ مال ءِ رکھینگ ءُ آواناں ایمنیں جاہ آں  سر کنگ   دل یکیمی کنگ بہ بیت۔   یک شمبے ءِ روچ ءَ مزن  وزیر  کارگس ءِ   میڈیا ونگ ءِ نیمگ ءَ جاڑی بوتگیں  بیان ءِ رد ءَ مزن وزیر  ءَ آماچیں دمگ آنی وردنگ ءُ وراکی، درمان ءُ  المی ایں سامان  آنی پجاری ءِ حکم داتگ۔  مزن وزیر ءَ بن جاھی  ادارگ آناں گلگت بلتستان ءِ حکومت  ءِ  گیشاں چہ گیش کمک  ءِ  حکم دیان ءَ  تاوان ءُ آماچیں  الس آنی ھوالگ ءَ رپوٹ گوانک جتگ۔   مزن وزیر ءَ شاہراہ قراقرم ءِ   حسن آباد پل  ءِ کپگ ءِ سبب ءَ   دگہ  یک کشک ءِ جوڑ کنت،  کشت ءُ کشاری ءُ ورگی آپ ءِ نظام ءِ  تباہی ءَ  چہ تاوان،  2 توان گس  ءِ  تاوان رسگ ءِ کچ ءُ کساس کنگ  ءِ ھم   پنت ءُ شون کنان ءَ 70  ءُ 250 میگاواٹ توان  گس آناں  جنگی رد ءَ زوت برجائی  ءِ حکم داتگ۔