توامیں صوبگ آناں ھمکچ ءَ دیمروئی ءِ ھوالگ ءَ دل یکیمی دار آں،  مزن وزیر شہباز شریف  ءِ بشام ءَ السی مچی ءَ گوں گشتانک ، میڈیکل کالج ءِ جوڑیشت ءَ ھوار  بنیاتی  جیڈھ آنی گیواری ءِ واستہ دو  ارب کلدار ءِ گرانٹ  ءِ جار

پشاور۔7مئی  (اے پی پی): مزن وزیر  محمد  شہباز شریف  ءَ گوشت کہ توامیں صوبگ آناں ھمکچ ءَ   دیمروئی   دیگ ءِ سر ءَ دل یکیمی دار آں پاکستان ءَ توامیں  مردم  آناں  موہ دیگ بیت، خیبر پختونخوا ءَ ھوار  سرجمیں پاکستان ءِ  الس  ءِ واستہ جان سلامتی ءِ  مفت ءَ آسراتی رس ایت، گوستگیں حکومت آں وام زرتگ ءُ ملک ءِ معیشت ءَ  را   تباہ کتگ، ھما مرد کہ چار سال مزن وزیر ءِ سیٹ ءَ نشتگ  آئی ءَ الس  ءَ گوں دروگ بستگ ، آئی ءِ کرا اچ نیست کہ الس آناں  بہ گوشیت ،  ھما نیاد ءَ آرت  پنجاپ ءَ  رسیت،  کے  پی کے ءَ ھم ھمے نیاد ءَ  رسیت۔  الس ءِ وشھالی ءِ واستہ ھمک رنگیں کوشست کناں۔ اے ھیالانی درشانی آئی ءَ شمبے ءِ روچ ءَ ل بشام ءَ السی مچی ءَ گوں گشتانک دیان ءَ کت اے موہ ءِ سر ءَ بنجاھی وزیر اھوالکاری ءُ شنگ کاری مریم اورنگزیب  ھم ساڑی ات۔  ایشی ءَ چہ پیسر شانگلہ ءِ الس  آں  مزن وزیر ءَ را وش اتک کت  مزن وزیر  شہباز شریف   ءَ بشام  ءَ میڈیکل کالج ءِ جوڑیشت ءَ ھوار   توامیں بنیاتی جیڈھ آنی گیواری ءِ واستہ دو ارب کلدار  گرانٹ  ءِ جار جت۔  مچی ءَ گوں گشتانک دیان ءَ شہباز شریف ءَ گوشت کہ سئے  ھپتگ آں چہ پیسر  آئی ءَ خادم پاکستان ءِ سیٹ  ءِ  گرگ ءِ  ساھت ءَ  سرجمیں ملک ءِ تر ءُ  تاب کت خیبر پختونخوا ءَ  درستاں چہ پیسر شانگلہ ءِ تر ءُ تاب ءِ  پیسلہ کتگ۔ مچی ءَ گوں تران کنان ءَ گڈ ءَ آئی ءَ الس ءَ گوں سوگند کت کہ آ  گیشاں چہ گیش ازمت کنت، پاکستان ءَ را    شرپ مند جوڑ کنت،  ملک ءِ  بزگری ءَ را  ھلاس کنت ، اے تران ءِ پد ءَ  مچی ءَ   گوانک جت ءُ گوشت   "انشاء اللہ”