پاکستان   ءُ یورپی  یونین ءِ نیام ءَ اقتصادی، تجارتی ءُ سرمایہ کالری ءِ مھکمیں یکوئی ءَ را گیش برجم جوڑ کنگ ءِ واستہ موسمی مٹ ءُ بدلی ءُ کانودی روگ ءُ آیگ ءَ  ھوار جتا  جتائیں شوبگ آنی تہ ءَ  یکوئی آناں گیش دیمروئی دیگ ءِ ضلورت  انت، مزن وزیر شہباز شریف  

اسلام آباد۔7مئی  (اے پی پی): مزن وزیر  شہباز شریف ءَ گوشت کہ پاکستان ءُ یورپی یونین ءِ نیام ءَ  اقتصادی ، تجارتی ءُ سرمایہ کاری ءِ مھکمیں یکوئی آناں گیش برجم جوڑ کنگ ءِ واستہ  موسمی مٹ ءُ بدلی ءُ   کانودی روگ ءُ آیگ  ءَ ھوار جتا جتائیں شوبگ آنی تہ ءَ  یکوئی آناں گیش دیمروئی  دیگ ءِ ضلورت انت۔  مزن وزیر کارگس ءِ میڈیا ونگ ءِ نیمگ ءَ  جاڑی بوتگیں بیان ءِ رد ءَ یورپی یونین ءَ پاکستان ءَ ڈل ءِ ناظم الامور تھامس سیلر ءَ شمبے ءَ  ادا مزن وزیر ءَ گوں گند ءُ نند کت۔  ناظم الامور ءَ شہباز شریف ءَ را مزن وزیر ءِ سیٹ ءِ گرگ ءِ پد ءَ مبارک بات دیان ءَ یورپی کونسل ءِ صدر  ءُ یورپی یونین ِ صدر ءِ نیمگ ءَ  نیکیں واھگ ءُ واھشت آناں پجارینت۔  مزن وزیر ءَ ناظم الامور ءِ نیمگ ءَ مبارک بات ءِ کلوہ ءِ پجالرینگ ءِ پد ءَ  آئی ءِ شگر ءُ منت واری گپت  پاکستان ءُ  یورپی یونین ءُ  ایشی ءِ باسکیں ملک آنی نیمگ ءَ یکوئی آنی ارزشت آنی سر ءَ  چمشانک دات۔ یورپی یونین ءِ ناظم الامور ءَ یورپی یونین ءِ  پاکستان ءِ گوما  وت مہ وتی  کمک آناں گیش  جھلانک کنگ ءِ جزم ءِ درشان کت۔ یات دارگ بہ بیت کہ پاکستان ءُ  یورپی یونین گوزوکیں سال  ءَ وتی سفارتی یکوئی آنی 60 شستمی سالروچ  ءَ را برجم دارگ ءَ انت۔  اے رد ءَ  اسلام آباد ءُ برسلز ءَ مراگش بست ءُ بند کنگ بہ بیت۔