عمران خان ءَ کشمیر  ءِ سودا کتگ ءُ  کشمیر  کاز  ءَ را تاوان پجارینتگ، شازیہ عطا مری

حیدرآباد۔7مئی  (اے پی پی): بنجاھی وزیر برائے  گریبی ءِ  گر ءُ دار کنوک  شازیہ عطا مری ءَ گوشت کہ عمران خان ءَ کشمیر ءِ سودا جتگ  ءُ کشمیر  کاز ءَ را  تاوان پجارینتگ،   گوستگیں دور ءُ باریگ ءَ عمران  خان   ءَ گوشتگ کہ  وت کشی کناں بلے آئی ایم ایف ءِ کرا وام زورگ  ءَ نہ رواں، وھدیکہ آ ائی ایم ایف ءِ  کرا  شتگ ءُ توامیں شرط آناں قبول کتگ۔ عمران خان  کجام نمون ءُ  نمونگ ءَ کرسی ءِ سر ءَ نشتگ بوتگ بلے یک روچے  اے کرسی ءِ شرپ ءِ نہ داشتگ ءُ  ھمک روچ آئی ءَ  مردم آناں بے شرپ کتگ ، زا ءُ بد داتگ  مرچی مردم آں آرا چہ کرسی ءَ دور داتگ  گڈا آئی  پھک گنوک بوتگ مرچی عمران خان  پاکستانی الس آناں یک  ءِ دومی ءِ ھلاپ ءَ  ٹوک دیگ ءَ انت۔  عمران خان ءَ مرچی  اے ملک ءِ واستہ  گران بھائی ءُ   بے روزگاری ءَ ابید اچ نہ کتگ عمران خان اگاں کمو گیش سیٹ ءِ سر ءَ بہ نشت انت گڈا اے ملک ءِ  ایمنی  ءِ واستہ ٹوھیں  ھوپ  ءِ بوتگ ات۔  شازیہ عطا مری  ضلع  سانگھڑ ءِ تحصیل کھپرو جما آباد  ءَ پی پی  سروک عمر گل ہنگورجو ءِ  نیمگ ءَ   آئی ءِ بنجاھی وزیر  جوڑ بوھگ ءِ پد ءَ  وش اتکی دیون ءِ  ساھت ءَ گشتانک دیان ءَ کت۔