وزیراعظم محمد شہباز شریف نا پارت آ نوکاپ نا زہمی تیکن کمکی گڑاتا اولیکو کھیپ ءِ اوغانستان آ سرکننگا

اسلام آباد۔ 07 مئی (اے پی پی) وزیراعظم محمد شہبازشریف نا پارت آ اوغانستان اٹی نوکاپ زہمی تیکن پاکستان نا کنڈآن کمکی گڑاتا اولیکو کھیپ ءِ پاکستان ایئرفورس انا خصوصی جہاز انا کمک اٹ ہفتہ نادے آ اوغانستان آ سرکننگانے۔ وزیراعظم آفس نا میڈیا ونگ آن جاری بیان نا رداٹ کمکی گڑاتیٹی 100 تمبو، 2 ٹن نُت، 1 ٹن برنج و 450 کلوبورہ اوار ءُ ، کمکی گڑاتا ارٹ میکو کھیپ ءِ 9 مئی آ روانہ کننگک۔ وزیراعظم پارے کہ اوغانستان اٹی نوکاپ زہمی تا امداد کن پاکستان ہرممکن کوشست کیک۔