شیخ رشید ملک اٹی بے چیٹی تالان کننگ نا کوشست کننگ ءِ، بنجائی وزیر داخلہ نا میڈیا تون گپ وتران

لاہور۔ 07 مئی (اے پی پی) مسلم لیگ ن پنجاب نا صدر و بنجائی وزیر داخلہ رانا ثناء اللہ پارینے کہ مسکوہی وزیراعظم عمران خان ایلو جماعت آتا سرکڑدہ غاتا شرف ءِ کے و تینا کارندہ غاتے بدتمیزی آ ہشکا تننگ آن پاناد کے۔ لاہور اٹی ہفتہ نا دے منشیات تور عدالت اٹ پیشی نا وخت آ میڈیا تون گپ وتران کرسا بنجائی وزیر داخلہ پارے کہ شیخ رشید خونی لانگ مارچ نا بیان ءِ پدی ہلے، شیخ رشید تینا دا بیان ءِ پدی ہلتو تو اودے اُراغان ہم پیشن پیش تمنگ کن اِلیپنہ۔ رانا ثناء اللہ پارے کہ دافک ملک اٹی بے چیٹی تالان کننگ نا کوشست کننگ ءُ، انت اس کیرہ اوفتے تون اوفتے تینٹ مون ہم مون تروئی تمک۔ بنجائی وزیر داخلہ رانا ثناء اللہ پارے کہ ایلم نا مار انا دزگیری آن پد شیخ رشید ءِ مچ آنن تغ بتنے، اوعدالت اٹ دزگیری آن مست ضمانت نا درخواست تسنے، شیخ رشید درخواست تسنے کہ اودے خلیس ءِ کہ دزگیر کننگک۔ رانا ثناء اللہ پارے کہ شیخ رشید پاریکہ کہ زندان اونا مالم نا اُرا و ہتھکڑی زیور ءِ ، تو ولدا شیخ رشید مالم نا اُراغا ہِننگ آن انت اکن خلیک۔ رانا ثناء اللہ پارے کہ عمران خان فرح گوگی نا وکیل جوڑ مسنے ، او ایمنسٹی اسکیم ہم گوگی کن ایس۔ رانا ثناء اللہ پارے کہ  عثمان بزدار بیرہ پن انا وزیراعلیٰ ئسک ، اودے پرمان تے مننگ کن وزیراعلیٰ تخنگاسس۔ بنجائی وزیر داخلہ تینا سماعت اٹی کیس انا ذکر ءِ کرسا پارے کہ دودونیم سال آن منشیات کیس اٹی تاریخ ہلنگ کن بننگ اٹی اُٹ۔ عمران خان مخالف آتیا دروغ انا کیس خلنگ اٹ لگوک ئس ولے پک مننگ کتور۔ مخلوق ضمانت آ یلہ مننگ ءِ، 15 کلومنشیات کیس انا راستکی داسہ مون آ بننگ ءِ، منشیات کیس اٹ عمران خان و شہزاد اکبر دوبہ دار ءُ۔ اگہ ای خون کریسٹ تو ولدا ہیرون کیس جوڑ کننگ نا انت ضرورت ئس۔ بنجائی وزیر داخلہ پارے کہ کارندہ غاتے بے ہودگی آن توننگتو تو ولدانم ہم بچنگ کپیرے۔