بنجائی وزیر حوالکاری و شینکاری مریم اورنگزیب نا سینئر صحافی خالد حمید فاروقی نا کزیت آ ہڑزخواہی

اسلام آباد۔ 07 مئی (اے پی پی) بنجائی وزیر حوالکاری و شینکاری مریم اورنگزیب سینئر صحافی خالد حمید فاروقی نا کزیت آ است ہسونی نا درشانی ءِ کرینے۔ ہفتہ نادے آ تینا ٹویٹ اٹی اوپارے کہ سینئر صحافی خالد حمید فاروقی نا کزیت آ بھاز ڈکھیائی مس۔ خالد حمید فاروقی سنجیدہ طب و بڑزکو صحافتی آب آ سلوک صحافی اس ئسک، او یورپ آن پاکستانی صحافی نا وڑاٹ پنی ئسک، ساڑی آ یوکرین جنگ اٹی ہم او اسہ پوسکن ءُ صحافتی تاریخ اس نوشتہ کریسس۔ اوپارے کہ ایماندار اسہ بھاز جوان و خواری کش انسان، قابل و باخبرءُ صحافی اس ئسک۔ بنجائی وزیر حوالکاری خالد حمید فاروقی ایماندار نا صحافتی خذمت آتے خراج عقیدت پیش کرسا دعا کرے کہ اللہ تعالیٰ ایماندار ءِ جنت الفردوس اٹی جاگہ ایتے و خاہوت ءِ صبر وجمیل ایتے۔