حکومت بے نظیر انکم سپورٹ پروگرام نا رداٹ اسہ کروڑ نیزگار بندغ آتا مالی کمک ءِ کیک، شازیہ مری

حیدر آباد۔ 06 مئی (اے پی پی) بنجائی وزیر تخفیف و نیزگاری و راجی رکھ و چیئرپرسن شہید بےنظیر انکم سپورٹ پروگرام شازیہ مری پارینے کہ بے نظیر انکم سپورٹ پروگرام نا رداٹ 8 ملین خاہوت آتا مالی کمک ءِ کننگ انگ ءِ ننا حکومت دانا دنگ ءِ ودفسا اسہ کروڑ نیزگار بندغ آتامالی کمک ءِ کیک او تینا حلقہ ٹی الس آن تران و شرفمند آتون گپ وتران کریکہ۔ اوپارے کہ شہید ذوالفقار علی بھٹو و شہید بے نظیر بھٹو نا مشن ءِ نن مون آ دینہ ننا حکومت خذمت نا جوزہ اٹ کاریم کننگ ءِ او پارے کہ ننا نیت صاف و جوزہ سچا ءِ ہندا خاطرآن اللہ ننے عزت تسنے داسہ دا ضلع سانگھڑ پین شون ہلیک۔ اوپارے کہ سندھ و پاکستان نا الس نا خذمت آ باور کینہ شہید بے نظیر بھٹو الس نا ڈکھ ودڑد ءِ پہہ مسکہ بے نظیرانکم سپورٹ پروگرام اونا فلسفہ نا رداٹ مون آ دننگ انگ ءِ۔ داسہ ننا حکومت بے نظیر انکم سپورٹ پروگرام نا رداٹ 8 ملین خاہوت آتا مالی کمک نا دنگ ءِ ودفسا اسہ کروڑ نیزگار بندغ آتا مالی کمک ءِ کیک۔ اوپرے کہ کنے سد آ مخلوق شاندار و پرجوش بخیر کرینو ہراڑآ ای اوفتا منت وار اُٹ دا مقبولیت دراسل پیپلزپارٹی و اونا قائد بلاول بھٹو زرداری نا ءِ ہرا شہید سرکڑدہ نا فلسفہ ءِ ہلسا مون آ ہِننگ ءُ۔ اوپارے کہ مسکوہی حکومت کبینی و بیڈ گورننس آن ویل ودی کرے۔ داسہ وخت بسنے کہ الس نا ڈکھ و دڑد آتے مر کننگے۔ او شرفمند و کارندہ غاتا منت واری ءِ ہرفے۔ داوخت آ پی پی سانگھڑ نا صدر علی ہنگورو، رئیس اورنگزیب مری، نوید ڈیرو، امام الدین شوقین علاؤالدین جونیجو و ایلوفک ہم ساڑی ئسر۔