اسلام آباد۔ 06 مئی (اے پی پی) بنجائی حکومت سوشل میڈیا غا فحش و غیراخلاقی ویڈیو تے اٹ مخلوق ءِ بدنام کروک آتا برخلاف کریک ڈاؤن نا فیصلہ ءِ کرینے۔ بنجائی وزیر داخلہ رانا ثناء اللہ خان پارے کہ سوشل میڈیا غا غیر اخلاقی مواد تالان کروک آتے دزگیر کننگک۔ جمعہ نادے آ تینا بیان اٹی اوپارے کہ وزیراعظم شہبازشریف پارت کرینے کہ داوڑنا مواد آتے سگنگپ۔ وزیر داخلہ پارے کہ سوشل میڈیا ءِ مخلوق نا بے شرفی کن کاریم اٹ اتنگ کن الیپنہ۔ اوپارے کہ داوڑنا واقعہ غاتے توروئی ءِ انتئے کہ دافتے بلیک میلنگ کن کاریم اٹ اتنگک۔ داوڑنا ڈوہدار سرجزآتیٹی اوار زموار آتون سختی اٹ مون ایتنہ و غیر اخلاقی ویڈیو، عکس آتون اوار داوڑنا گند تالان کروک آتے چٹفنہ۔ اوپارے کہ ایف آئی اے و تعلقدار ادارہ غاتے دا چرجوئی ٹی پارت جاری کرینن۔
