اسلام آباد۔ 05 مئی (اے پی پی) پاکستان نوکاپ نا رداٹ اوغان الس تون یکجہتی نا درشانی ءِ کرینے۔ وزارت خارجہ نا ترجمان نا کنڈآن پنچ شنبے نادے آ جاری بیان نا رداٹ حکومت و پاکستان نا الس اوغانستان نا 10 صوبہ غاتیٹی نوکاپ اٹی ملکیت آتا نسخان و نہادی جان تا زیان آ ہمدردی و ہڑزخواہی نا درشانی ءِ کرینے۔ اودعاکرے کہ اللہ تعالیٰ ناقابل تلافی نسخان ءِ سگوک آ پدسلوک آخاہوت آتے صبر ایتے۔ وزیراعظم محمد شہباز شریف ڈکھیائی نا داساہت اٹی اوغان ایلم تتون یکجہتی نا درشانی ءِ کرے و پڑو کرے کہ پاکستان زہمی بندغ آتیکن امداد و کمکاری فراوان کیک۔ وزیراعظم جہانی برادری آ زور شاغاکہ اومہالو آن مشکل آتیان گواچی اوغان الس نا قدرتی افت نا سوب آن مروک آ نسخان تا مون ءِ توننگ اٹ کمک کے۔
