حیدر آباد۔ 05 مئی (اے پی پی) بنجائی وزیر واپار سید نوید قمر پارینے کہ پی ٹی آئی نا حکومت بے سہب پک مس، ساڑی آحکومت تینا مد ءِ پورو کیک، عمران خان و شیخ رشید ملک اٹی بے چیٹی ودی کننگ خوارہ، امریکی نیام تمنگ نا شوشہ اسہ فلاپ راگ اسے داہیت آتے او ٹنڈو محمد خان اٹی تینا حلقہ نا دورہ و شیخ بھر کیو ٹی میڈیا تون گپ وتران کرسا پارے، اوپارے کہ پی ٹی آئی نا حکومت بے سہب پک مس ہرا ملک انا زرگزران ءِ بھس کرے الس آ کبینی مسلط کرے و جمہوریت و پارلیمنٹ ءِ نسخان تس آئین آ مہالو جلہو متنے ہراعمران خان حکومت کرے اوپارے کہ عمران خان و شیخ رشید نا خیال ءِ کہ فوج نیام تمے و ولدا اوفتا مرضی نا گچین کاری مرے داوڑاسُل مفک، اوپارے کہ ساڑی حکومت تینا مد ءِ پورو کیک و کس اسے بے چیٹی تالان کننگ کن ہلنگ پننگک ولے کس اس تینا شوق ءِ پورو کننگ خواہک تو کے الس ننتون تفوک ءِ۔
