اسلام آباد۔ 05مئی (اے پی پی) بنجائی وزیر ڈٹ بندی، شونداری و اصلاحات احسن اقبال پارینے کہ سوگو زرگزران سوگوآزاد پاکستان نا ضمانت ءِ، عمران نیازی نا سیاست نا لیول فرح گوگی نا دفاع سلیسنے۔ تینا اسہ بیان اسے ٹی اوپارے کہ عمران نیازی تینا سیاست ءِ بچفنگ کن مچ آ قوم ءِ امریکہ نا غلام جوڑ کننگ ءِ، پاکستانی قوم خوددار و باوقار قوم اسے۔ اوپارے کہ 28 مئی 1998 آن پد کس اس پاکستان ءِ ڈکٹیشن تننگ کپک، عمران خان ذہنی پستی ٹی ہِننگ ءِ پاکستان غلامی ٹی ہِننگ ءِ، سوگو زرگزران سوگو و آزاد پاکستان نا ضمانت ءِ۔ اوپارے کہ عمران نیازی پائے انت 2018ٹی امریکہ اودے دھاندلی ٹی اقتدار اٹی ایسوسس؟، دھاندلی نا حکومت ءِ جمہوری واکدار آک آئینی وڑاٹ کشار، عمران نیازی دنیا ٹی پاکستان ءِ تنیا کرسا دشمن تا ایجنڈا ءِ پورو کننگ ءِ، اگہ سازش نا کڑد آتا سماءِ تو قوم انا مون آ تخے راگ کپ۔ اوپارے کہ عمران نیازی نا سیاست نا لیول فرح گوگی نا دفاع رہینگانے۔
