مسجد نبوی بے حرمتی کیس اٹ ڈیوٹی جج شیخ راشد شفیق ءِ جوڈیشل ریمانڈ آ جیل آ گدریفسا ویڈیو کلہو ءِ پک کننگ کن فرانزک نا پرمان کرینے، رانا ثناء اللہ

اسلام آباد۔ 05 مئی (اے پی پی) وزیر داخلہ رانا ثناء اللہ پارینے کہ مسجد نبوی بے حرمتی کیس اٹ تدوک آ دے ڈیوٹی جج اٹک شیخ راشد شفیق ءِ جوڈیشل ریمانڈ آ جیل آ گدریفینے، ڈیوٹی جج ویڈیو کلہو ءِ پک کننگ کن پولیس ءِ شیخ راشد شفیق آن موبائل فون دوئی کننگ و اونا فرانزک نا پرمان ہم جاری کرینے۔ پنچ شنبے نادے آ مسجد نبوی بے حرمتی واقعہ نا بابت تینا اسہ اہم بیان اسے ٹی وزیرداخلہ پارے کہ ڈیوٹی جج انا اصرار آن پد ہم شیخ راشد شفیق نا تینا موبائل فون ءِ پولیس نا دوٹی تفننگ عمران نیازی و شیخ رشید نا مسجد نبوی بے حرمتی واقعہ ٹی براہ راست اوار مننگ ءِ سوگوی ایتک، مسجد نبوی بے حرمتی واقعہ غا عمران نیازی ءِ بطور چیئرمین پی ٹی آئی بلاتاخیر قوم آن معافی بایدے خوائے۔ اوپارے کہ مسجد نبوی بے حرمتی واقعہ ٹی اوار پی ٹی آئی باسک آتا برخلاف فی الفور انضباطی کارروائی بایدے عمل کننگے۔ اوپارے کہ پی ٹی آئی نا بطور جماعت وعمران نیازی نا بطور چیئرمین مسجد نبوی بے حرمتی واقعہ نا مذمت ءِ کپننگ بے کچ است ہسونی نا سوب ءِ ، پی ٹی آئی نا بطور جماعت مسجد نبوی بے حرمتی واقعہ غان لاتعلقی نا درشانی ءِ کپننگ ہم گڑتی نا سوب ءِ۔ مسجد نبوی صلی اللہ علیہ وآلہ وسلم والا است ہسون واقعہ غان کروڑ آ مسلمان تا جوزہ مجروح مسنے۔