عمران حکومت نا آخیریکو سال اٹی پریس فریڈم انڈیکس اٹی پاکستان نا 12 پوائنٹ آتا تنزلی مس، وزیراعظم محمد شہباز شریف نا ٹویٹ

اسلام آباد۔ 05 مئی (اے پی پی) وزیراعظم محمد شہباز شریف پارینے کہ ورلڈ پریس فریڈم انڈیکس اٹی پاکستان نا درجہ بندی ٹی تنزلی مسنے و عمران خان نا حکومت نا اسہ سال اٹی 12 پوائنٹ آتا تنزلی مسنے۔ تینا ٹویٹ اٹی وزیراعظم محمد شہباز شریف پارے کہ عمران حکومت نا آخیریکو سال پریس فریڈم انڈیکس اٹی پاکستان 12 پوائنٹ شیف ہنانے وخت اس کہ مچ آ دور حکومت اٹ 18 پوائنٹ تنزلی مسنے۔ وزیراعظم پارے کہ آجوئی صحافت نا درجہ بندی ٹی تنزلی آ نئے بیرہ عمران خان ءِ ‘‘آجوئی صحافت نا گواچی’’ نا شرمناک تران ملا بلکن ننا جمہوریت ہم بدنام مس۔ شہباز شریف پارے کہ نن آجوئی سلاہ درشانی ءِ پک کننگ کن پورو وڑاٹ سنبرینگوک اُن۔ یات سلے کہ حوالکاری نا حق انا رکھ اکن کاریم کروک آ اسہ جہانی غیر سرکاری تنظیم رپورٹرزودآؤٹ بارڈرز180 ملک آتا تینا تازہ آ انڈیکس اٹی پاکستان ءِ 157 می نمبر آ تخانے، 2021اٹی انڈیکس اٹی دا نمبر 145 و ہراتم عمران خان 2018ٹی اقتدار ءِ سنبھالا ہمووخت آ دا انڈیکس 139 ئسک۔