وزیراعظم محمد شہباز شریف تون متحدہ عرب امارات نا زرگزرانی ڈل انا اہم اوڑدہی نا اسیجائی اعلامیہ

لاہور۔ 05 مئی (اے پی پی) پاکستان و متحدہ عرب امارات واپار، توانائی، انفراسٹرکچر، پیٹرولیم تون اوار ایلو اہم بشخ آتیٹی ہڑتوم آ کنڈآتا زرگزرانی کمکاری ءِ سوگو کننگ آ امنا کرینو۔ وزیراعظم آفس نا میڈیا ونگ آن جاری اسیجائی اعلامیہ نا رداٹ وزیراعظم محمد شہباز شریف نا دورہ متحدہ عرب امارات نا چرجوئی ٹی متحدہ عرب امارات نا زرگزرانی ڈل  سے شنبے نادے آ پاکستان نا اہم دورہ ءِ کرے و وزیراعظم شہباز شریف تون اوڑدہی کرے۔ وزیراعظم ڈل اتون گپ وتران کرسا اوفتے چنکاعئید انا مبارکبادی تس و عئید انا چٹھی تیٹی پاکستان آ بننگ آ اوفتا منت واری ءِ ہرفے۔ وزیراعظم محمد شہباز شریف ڈل اتون گپ وتران کرسا پارے کہ حکومت پاکستان متحدہ عرب امارات تون تینا برادرانہ تعلقداری تے بھاز اہمیت ایتک و خاص وڑاٹ زرگزرانی پڑ آ دا تعلقداری تے بڑزی تا اسہ پوسکن ءُ کہول اسے دننگ نا خواہندار ءِ۔ وزیراعظم محمد شہباز شریف پارے کہ چنکا عئید انا چٹھی تیٹی زرگزرانی ڈل انا بننگ متحدہ عرب امارات (یواے ای) نا حکومت نا پاکستان اٹی زرکاری کننگ اٹ بھاز است خواہی نا درشانی ءِ۔ پاکستان متحدہ عرب امارات نا دا برادرانہ طرزعمل نا است انا حب اٹ ستاءِ کیک و امارات نا ایلم تا پاکستان اٹی خاطر خواہ و نمان زرکاری ٹی است خواہی ءِ بخیر اٹ پاہک۔ اوڑدہی ٹی فریق آک واپار ، توانائی، انفراسٹرکچر، پیٹرولیم تون اوار ایلو اہم بشخ آتیٹی ہڑتوم آ کنڈآتا زرگزرانی کمکاری ءِ سوگو کننگ آ امنا کریر۔ فریق آک زرکاری و واپار نا بابت ہڑتوم آ ملک آتا سرکڑدہ غاتا فیصلہ غاتیا عملدرآمد کن خڑکی رابطہ ءِ برقرار تخنگ آ امنا کریر۔