وزیراعظم محمد شہباز شریف نا سعودی ولی عہد شہزادہ محمد بن سلمان ءِ ٹیل فون، چنکا عئید انا مبارکبادی تس

اسلام آباد۔ 05 مئی (اے پی پی) وزیراعظم محمد شہباز شریف سعودی عرب نا ولی عہد ، نائب وزیراعظم و وزیر دفاع شہزادہ محمد بن سلمان ءِ ٹیل فون کرے، اودے چنکا عئید انا مبارکبادی تس و نیک است خواہی نا درشانی ءِ کرے۔ وزیراعظم میڈیا ونگ انابیان نا رداٹ وزیراعظم خادم الحرمین الشریفین شاہ سلمان بن عبدالعزیز و سعودی عرب نا برادر الس کن عئید انا مبارکبادی نا کلہو تس و نیک است خواہی نا درشانی ءِ کرے۔ وزیراعظم محمد شہباز شریف 28 آن 30 اپریل 2022 آ تینا دورہ سعودی عرب اٹی جم و جوش اٹ مہمانداری آ سعودی عرب نا سرکڑدہ و حکومت نا است انا حب اٹ منت واری ءِ ہرفے۔ دورہ ٹی ولی عہد شہزادہ محمد بن سلیمان تون تینا اوڑدہی نا حوالہ ءِ ترسا وزیراعظم سعودی عرب تون تاریخی برادرانہ تعلقداری تے پین سوگو کننگ و ہڑتوم آ ملک آتا نیام اٹ غٹ بشخ آتیٹی سٹریٹجک تعلقداری تے پوسکن آ بڑزی تیان ہمکنار کننگ نا پاکستان نا است خواہی نا درشانی ءِ کرے۔ وزیراعظم ولی عہد تون تینا ساڑی آ اوڑدہی ٹی کروک آ فیصلہ غاتیا عملدرآمد نا پکا عزم انا درشانی ءِ کرے۔ عزت مآب ولی عہد خیرخواہی نا جوزہ غاتا درشانی ءِ کرسا وزیراعظم ءِ مبارکبادی تس و پاکستان نا الس کن نیک است خواہی نا درشانی ءِ کرے۔ ہڑتوم آ کنڈآتا کمکاری ءِ پین سوگو و گیشتر کننگ کن اواری اٹ کاریم کننگ نا تینا است خواہی نا درشانی ءِ کرسا عزت مآب ولی عہد شہزادہ محمد بن سلمان وزیراعظم نا سعودی عرب نا ساڑی آ دورہ ٹی مروک آ ہم گرنچی آ پیش رفت نا پکا عزم انا درشانی ءِ کرے۔ ہڑتوم آ سرکڑدہ غاک ہڑتوم آ برادر ملک آتا الس نا تین پہ تینی فائدہ ٹی ہڑتوم آ کنڈآتا تعلقداری تے پین گہرا کننگ و ودفنگ کن اواری اٹ کاریم کننگ نا است خواہی نا درشانی ءِ کریر۔