مسکوہی حکومت آئین ءِ پرغا، پارلیمنٹ آن زیات ایوان صدر ءِ اہمیت تس، اسپیکر و ڈپٹی اسپیکر قومی اسمبلی نا ٹیل فون آ گپ وتران

اسلام آباد۔ 04 مئی (اے پی پی) اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ئسک پارینو کہ مسکوہی حکومت آئین ءِ پرغا، پارلیمنٹ آن زیات ایوان صدر ءِ اہمیت تس، السی اہمیت تخوک غٹ باندات آ پارلیمنٹ اٹ شرہ کرفنگک۔ قومی اسمبلی سیکرٹریٹ نا میڈیا ونگ آن جاری بیان نا رداٹ داخیال آتا درشانی ءِ اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی ٹیل فون آ رابطہ غا گپ وتران اٹی کریر۔ اسپیکر قومی اسمبلی راجہ پرویز اشرف و ڈپٹی اسپیکر زاہد اکرم درانی اسہ ایلو ءِ عئید انا مبارکبادی تسر۔ ہڑتوم آ راہشونک داہیت آ زور شاغار کہ عئید انا خوشی تیٹی نن حقدار بندغ آتا خاص خیال ءِ تخن۔ بیان نا رداٹ ہڑتوم آ راہشونک امنا کریر کہ اللہ تعالیٰ ننے موقع تسنے ملک و قوم انا شونداری کن پارلیمان نا شرف ءِ بڑز اکروئی ءِ، مسکوہی حکمرانک آئین ءِ پرغار پارلیمنٹ آن زیات ایوان صدر ءِ اہمیت تسر۔ اسپیکر قومی اسمبلی پارے کہ السی اہمیت تخوک غٹ باندات آ پارلیمنٹ اٹ شرہ کننگک۔ ڈپٹی اسپیکر پارے کہ الس نا پارلیمنٹ آ پت ءِ بحال کننگ اولیت ءِ۔