پشاور۔ 04 مئی (اے پی پی) کور کمانڈر 11 کور لیفٹیننٹ جنرل فیض حمید جی او سی 07 ڈویژن میجر جنرل نعیم اختر تون اوار دتہ خیل بازار نا دورہ ءِ کرے ، بازار اٹی ساڑی مخلوق تون ملا، و چنکا عئید انا خوشی تا وخت آ اوفتے مبارکبادی تس، پوریاگر برادری، علاقائی مشران و ورناتیان علاقائی ویل آتا اَریفے۔ ضلعی انتظامیہ نا ترجمان نا رداٹ او دتہ خیل بازار نا تزئین و آرائش، بجلی نا ویل، ڈگری کالج نا جوڑ کننگ، دتہ خیل آن الوڑہ منڈی روڈ انا تفنگ، الوڑہ منڈی ٹی بارڈر مارکیٹ نا جوڑ کننگ و ایلو ویل آتے اولیتی بنداو تیا ایسر کرفنگ نا باور کرفے اوکان پد کورکمانڈر 11 کور دتہ خیل پولیس اسٹیشن و تحصیل نا دورہ ءِ کرے۔ علاقہ نا الس کور کمانڈر نا دا کوشست آتا ستاءِ کرے و ریاستی ادارہ غاتا الس دوست پالیسی تے علاقہ نا شونداری و شونہالی کن اسہ اہم ءُ گام اس گوندا۔
