لاہور۔ 03 مئی (اے پی پی) وزیراعلیٰ پنجاب حمزہ شہباز نا پاننگ ءِ کہ عمران نیازی ، حکومت اٹ دروغ تڑنگ آن بیدس ہچ ءُ کاریم اس کتنے، کبینی مخلوق نا زند ءِ ژند کرینے۔ جاتی امراء ٹی کارندہ غاتیان تران کرسا حمزہ شہباز پارے کہ نابود حکومت لاہور شار ءِ کچراکنڈی اس جوڑ کرینے، نن انشاء اللہ لاہور ءِ ولدا شہباز شریف دورانا شار جوڑ کینہ، ننے ہندن کاریم کروئی ءِ کہ اللہ نا مخلوق نا خیرخواہی مرے، لاہور نا شار اٹی غریب بندغ کن کمیٹی جوڑ کیوہ، نیت ساف مرے تو اللہ تعالیٰ کسر جوڑ کیک۔ اونا پاننگ ئس کہ اللہ اینووخت ءِ بدل کرے، کارندہ غاتا قربانیک رنگ اس ایسُر، عئید آ نادار و حقدار مخلوق نا خاص خیال ءِ تخر۔ حمزہ شہباز مستی پارے کہ غریب نا چناڑتون اینو ہم کُننگ کن ہچ اس اف، الس کبینی نا دوتیان بے حال ءِ، مسکوہی وزیراعظم عمران نیازی قوم اکن ہچ اس کتو۔
