اسلام آباد۔ 03 مئی (اے پی پی) چیف آف آرمی اسٹاف جنرل قمر جاوید باجوہ چنکا عئید ءِ آزاد کشمیر اٹی لائن آف کنٹرول اتون ڈنگی کوٹلی ٹی پاک فوج انا ورناتتون کرے۔ سے شنبے نادے آ آئی ایس پی آر نا رداٹ بری فوج انا سروک کنٹرول لائن آ متعین فوجی تتون عئید انا نماز ءِ خوانا۔ داوخت آ پاکستان نا سلامتی، امن و سوگوی کن خصوصی دعا کننگا۔ جنرل قمرجاوید باجوہ پاک فوج انا آفیسر و ورناتے عئید انا مبارکبادی ہم تس۔ چیف آف آرمی اسٹاف پرامن پاکستان کن غٹ شہید آتے خراج عقیدت و اوفتا خاہوت آتے اوفتا خذمت آتیا خراج تحسین پیش کرے۔ ڈونگی آ سرمننگ آ کورکمانڈر لیفٹیننٹ جنرل ساحر شمشاد مرزا آرمی چیف ءِ بخیر کرے۔
