اسلام آباد۔ 03 مئی (اے پی پی) وزیراعظم محمد شہباز شریف سے شنبے نادے آ سعودی فرمانروا شاہ سلمان و ولی عہد شہزادہ محمد بن سلمان ءِ عئید انا مبارکبادی تسنے۔ وزیراعظم شہباز شریف ٹویٹر آ تینا تہنیتی کلہو اٹی سعودی عرب نا مسہ دے ئی سرکاری دورہ ٹی پاکستانی ڈل انا جم و جوش اٹ بخیر و مہمانداری آ سعودی ولی عہد نا منت واری ءِ ہم ہرفے۔ اومستی پارے کہ پاکستان و سلطنت سعودی عرب  کڑمب رابطہ و کمکاری نا پوسکن آ دور اٹی داخل مسنو۔ وزیراعظم محمد شہباز شریف پارے  ای ولی عہد شہزادہ محمد بن سلمان نا کنڈآن جم و جوش اٹ بخیر و شاندار مہمانداری کن منت واری ءِ ہرفنگ خواوہ۔ وزیراعظم اسہ ٹویٹ اسے ٹی سعودی فرمانرواشاہ سلمان ، ولی عہد شہزادہ محمد بن سلمان و سلطنت سعودی عرب نا الس ءِ چنکا عئید انا مبارکبادی ہم تس۔ وزیراعظم تینا پین اسہ ٹویٹ اسے ٹی پارے کہ متحدہ عرب امارات آن اسہ بڑزکو اختیاراتی اقتصادی ٹیم اسے نا ستاءِ کیک۔ داماہر اقتصادی ٹیم متحدہ عرب امارات نا دورہ ٹی ولی عہد شہزادہ محمد بن زید تون اوڑدہی نا فالواپ نا وڑاٹ پاکستان نا دورہ ءِ کننگ ءِ ہراٹی نن ہڑتوم آ کنڈآتا اقتصادی، واپاری و زرکاری نا کمکاری ءِ جامع وڑاٹ مون آ دننگ نا عزم کرین۔

متعلقہ مضامینمصنف کی طرف سے مزید