اقوام متحدہ۔ 20 اپریل (اے پی پی) اقوام متحدہ نا عہدیدار آک پارینو کہ سویلی سوڈان نا خانہ جنگی ٹی داوخت اسکان 82 امدادی کارندہ تپاخت و 35لکھ بندغ بے اُرا مسنو۔ وائس آف امریکہ نا رداٹ سویلی سوڈان کن اقوام متحدہ نا نمائندہ و انسانی حق انا کوآرڈی نیٹر یوجن اوسو پارینے کہ دسمبر 2013 ءٹی بیدادی نا بناءآن پد آن داوخت اسکان سویلی سوڈان اٹی 82 امدادی کارندہ خلنگانو۔ اونا پاننگ ئِ کہ اسہ اندازہ سے نا رداٹ کم و ود 19 لکھ ملک انا تہٹی بے اُرا ئُ وخت اس کہ 16لکھ بندغ ہمسایہ ملک آتیٹی پناہ گزین جوڑ مرسا زند ئِ تدیفنگ ئُ۔ اوپارے کہ بیدادی نا واقعہ غاتا زیات تر محرک نسلی اختلاف ئِ انتئے کہ سرکاری فوجی زیات تر صدر کیرکی کمیونٹی آن تعلق تخرہ و او مسکوہی نائب صدر مشارنیر نا کمیونٹی و ایلو چنکا گروپ آتون جنگ کننگئُ۔ برطانیہ ناپاننگ ئِ کہ سویلی سوڈان اٹی تپاخت کننگ نا کہول نسل کشی اسکان رسینگانے وخت اس کہ اقوام متحدہ نا کنڈآن داسکان دانا تعین مننگ سلوک ئِ۔
