اسلام آباد۔9اپریل (اے پی پی):وزیر ءِ درئی کار شاہ محمود قریشی ءَ گوشت کہ ما سپریم کورٹ ءِ پیسلہ ءَ را مناں، دل یکیمی نہ کنگ ءِ جنز ءِ کانودی، سیاسی ءُ جمہوری رپک ءَ گوں مقابلہ کنگ مئے ھک انت، ما آمید گس ءِ پیسلہ ءِ پابند انت، سپیکر ھم اے پیسلہ ءِ چیر دستی ءَ دیونا ءِ چلائینگ ءِ پابند انت، مزن وزیر ءِ رایہ انت کہ دل یکیمی نہ کنگ ءِ جنز ءِ پشت ءَ میاں اوستمانی پندل آنی پٹ ءُ پول المی انت۔ شمبے ءِ روچ ءَ راجی اسمبلی ءَ اپوزیشن سروک شہباز شریف ءِ نیمگ ءَ چہ چست کتگیں دل یکیمی نہ کنگ ءِ جنز ءِ ھوالگ ءَ کانود ءِ تہ ءَ گنجاشک است انت۔ اے تحریک ءِ پیش کنگ اپوزیشن ءِ ھک انت ءُ ایشی ءِ دیمپانی کنگ منی فرض انت۔
