اسلام آباد۔ 08 اپریل (اے پی پی) روشن ڈیجیٹل اکاؤنٹس (آرڈی اے) نا رداٹ زرمبادلہ نا دوئی کننگ 4 ارب ڈالر نا خڑک سرمس۔ عارف حبیب لمیٹڈ نا پٹ وپول نا بشخ انا سروک طاہر عباس تینا رپورٹ اٹی پارینے کہ مارچ 2022 اٹی 23312 پوسکن ءُ روشن ڈیجیٹل اکاؤنٹس ملفنگانے و اوفتا کمک اٹ 290 ملین ڈالر نا ڈیپازٹ کرفنگانے۔ رپورٹ نا رداٹ ستمبر 2020اٹی آرڈی اے نا بناکننگ آن پد آن آرڈی اے ٹی سمندرپار رہینگوک پاکستانی تا است خواہی ٹی پدریسہ ودکی مننگ ءِ و 175 ملک آتیان 3 لکھ 88ہزار 494 آر ڈی اے ملفنگانے ہرافتے ٹی جمع کرفوک آ زر (ڈیپازٹ) آتا کچ 3.92 ارب ڈالر اسکان ودانے۔
