اسلام آباد۔ 08اپریل (اے پی پی) خلیج کمکار کونسل نا ملک آتیٹی رہینگوک آ پاکستانی تا زررادہ کننگ اٹ برجامالی سال انا اولیکو 8 تُو اٹی تدو ک آ مالی سال انا ہندا مد انا مقابلہ ٹی 8.5 درسد نا نمو ریکارڈ کننگانے۔ اسٹیٹ بینک انا کنڈآن دا بابت جاری کروک حساب وکتاب نا رداٹ جولائی آن ہلیس فروری 2022 اسکان نا مد اٹی بحرین، کویت، قطر واومان اٹی کاریم کروک آ پاکستانیک 2.32 ارب ڈالر نا زرمبادلہ ملک آ مون تسر ہرا تدوک آ مالی سال انا ہند امد انا مقابلہ ٹی 8.5 درسد زیات ءُ، تدوک آ مالی سال انا ہندا مد اٹی خلیج کمکار کونسل نا ملک آتیٹی رہینگوک آ پاکستانیک 2.141 ارب ڈالر نا زرمبادلہ ملک آ گدریفیسر ۔ فروری 2022 اٹی خلیج کمکار کونسل نا ملک آتیٹی کاریم کروک آ پاکستانی تا زررادہ کننگ نا کچ 261.3 ملین ڈالر ریکارڈ کننگا ہرا جنوری ٹی 254.5 و تدوک آ سال فروری ٹی 254.6 ملین ڈالر ئسر۔ یات سلے کہ برجامالی سال انا اولیکو 8 تُو اٹی سمندر پار پاکستانی تا زررادہ کننگ اٹ تدوک آ مالی سال انا ہند امد انا مقابلہ ٹی جم وڑاٹ 7.6 درسد نا نمو ریکارڈ کننگانے۔
