فرانس، صدارتی گچین کاری تیٹی دہشت گردی نا ڈٹ بندی نا دوبہ ٹی 2 بندغ دزگیر

پیرس۔ 19 اپریل (اے پی پی) فرانس نا سویلی شار مارسے ٹی دہشت گردی نا ڈٹ جوڑ کننگ نا دوبہ ٹی 2 بندغ ئِ دزگیر کننگا۔ جرمن ذرائع ابلاغ نا رداٹ کمامدار آک پارینو کہ دا دوبہ دارآک صدارتی گچین کاری تیٹی جلہو کننگ خوائسرہ۔ دوبہ دارآتیان اسٹ اس ساڑی ہی ٹی شدت پسندی نا کنڈآ مائل مسنے وخت اس کہ ایلو مستین اٹی سزاکاٹ کرینے۔ فرانسیسی میڈیا نارداٹ داوخت آ توفک و دھماکہ خیز مواد ہم دوئی کننگانے۔ دزگیر مروک آ شکبر دوبہ دار آتیان اسٹ نا وئی 29 وخت اس کہ ایلو نا 23 سال پاننگانے۔