اسلام آباد۔ 18 اپریل (اے پی پی) وزیراعظم ئِ مشیر برائے راجی راجدپتر ئُُ ادبی مڈی عرفان صدیقی ئَ گوشت کہ حکومت توامیں قومی کار ئُُ شور ئُُ سلاھئِ گوما گامگیج آنی جوانیں آسر آنی پد ئُُ رند ئَ اَنت۔ تاجر ئُُ صنعتکار ملک ئِ دیمروئی ئُُ وشھالی ئَ المی ایں کرد ئِ پیلو کنگ ئَ اِنت۔ حکومت آسراتی پُجارینگ ئَ تاں راجی دیمروئی ئِ کار ئَ شریک داری ئَ را گیش دلبڑی دیگ لوٹیت۔ اے ھیالانی درشانی آئی ئَ بُنجاھی ایوان ہائے صنعت ئُُ تجارت (ایف پی سی سی آئی) ئِ ٹولہ ئَ گوں تران کنان ئَ گوشت اَنت ، آئی ئَ صدر زبیر فرید طفیل ئِ سروکی ئَ مشیر ئِ مزن وزیر ئَ گوں گند ئُُ نند ئَ کُت اَنت۔ عرفان صدیقی ئَ ایف سی سی آئی ئِ ٹولیگ ئِ قائداعظم ئِ ھدیرہ ئَ دعوت دیان ئَ کُت اَنت آئی ئَ گوشت کہ زانت ئُُ ادب ئُُ کتاب ئِ دیمروئی یک ھتم نہ بوھوکیں صدقہ اِت۔
