اسلام آباد۔ 14 مارچ (اے پی پی) بنجائی وزیر ڈٹ بندی، شونداری، اصلاحات و خصوصی گام گیج و مرکزی سیکرٹری جنرل پاکستان تحریک انصاف اسدعمر پارینے کہ سمندر پارپاکستانیک عمران خان نا است انا دھڑکنک ءُ، ن لیگ جی ٹی روڈ نا جماعت ، پیپلزپارٹی سندھ انا تہہ نا پارٹی ءِ، اے این پی پختونخوا نا منہ ضلع غاتا جماعت ءِ، بے پتی ءِ چنکو گڑا س تکیوہ، اودے بے سہبی نا گواچی کینہ۔ داخیال آتا درشانی ءِ او دوشنبے نادے آ پاکستان تحریک انصاف و سیز انٹرنیشنل چیپٹرز نا کنڈآن کنونشن اٹی برجا مسہ دے ئی سمندر پار پاکستانیز کنونشن نا ارٹ میکو دے انا اولیکو سیشن نا کماشی ءِ کرسا تینا اہم تران اٹی کرے۔ اسد عمر پارے کہ سمندر پارپاکستانیک عمران خان نا است انا دھڑکنک ءُ۔ پاکستان اٹ تہہ وڑاٹ بے تحاشہ چیلنج ءُ۔ پاکستان ہموڈیہہ ٹی واقع ءِ ہرانا تینا چیلنج آک ءُ۔ اوپارے کہ امریکہ ویتنام ہنا، ڈیہہ غا بھلو اثراس تما۔ عراق آ ہنا تو شام اٹی تباہی بس۔ اوغانستان اٹی 2 جہانی واکدارآک بسر، پاکستان آ بے پناہ اثرمرتب مس۔ پاکستان اسہ ہندن ءُ بھلو ملک اسے نا ہمسایہ ءِ ہراڑے آر ایس ایس نا شدت پسندانہ سوچ انا غلبہ ءِ۔ اوپارے کہ 12 درخت و اسہ خاخواسے آن بیدس بھارت بالاکوٹ اٹ ہچ ءُ نسخان اس کتویسس۔ پاکستان ٹیکی ٹی ملتنے۔ اسلاف داڑکن بے مٹ قربانی پیش کرے۔ خیبرآن کراچی اسکان اسہ ہی جماعت ءِ ہرا تحریک انصاف ءِ۔ اوپارے کہ دیر، میلسی، حافظ آباد، ہر جاگہ خان ءِ دوست تخوک آتیان پُر ءِ۔ 2018 نا گچین کاری تیٹی پنجاب اٹی غٹ آن زیات وونٹ ہلوک آ جماعت تحریک انصاف ءِ۔ پختونخواٹی غٹ آن زیات وونٹ ہلوک آ جماعت تحریک انصاف ءِ۔ گلگت بلتستان اٹی غٹ آن زیات وونٹ ہلوک آ جماعت تحریک انصاف ءِ۔ آزاد کشمیر اٹی غٹ آن زیات وونٹ ہلوک آ جماعت تحریک انصاف ءِ۔ اوپارے کہ عمران خان ملک ءِ اسٹ کروک آ قوت نا پن ءِ۔ قائد اعظم و لیاقت علی خان آن پد دُن ءُ ہچ ءُ حکومت اس بتنے ہراڑے غٹ ادارہ غاک اواری اٹ تینا تینا چیلنج آتون مون تننگ اٹ لگوک ءُ۔ اوپارے کہ مستین اٹ سپریم کورٹ آ جلہو کرفنگاکہ۔ ادارہ غاتیا ڈان لیکس کون آ جلہو کرفنگاکہ۔ تحریک انصاف نا حکومت اسہ ملک اسے تون ہم جنگ خواپک۔ نریندر مودی کون آ شدت پسند مف تو بھارت تون ہم سرجز مننگ کیک۔
