اسلام آباد۔ 14 مارچ (اے پی پی) بنجائی وزیر توانائی حماد اظہر پارینے کہ ملک اٹی پٹرولیم مصنوعات آتا اسہ تُوآن زیات نا کوڑی ساڑی ءِ، بیرہ پنچ دے انا اسٹاک نا خبر درست اف۔ دوشنبے نادے آ وزارت توانائی نا کنڈآن جاری اعلامیہ نا رداٹ بنجائی وزیر پارے کہ ملک اٹی پیٹرولیم مصنوعات آتا اسہ تُو آن زیات نا کوڑی ساڑی ءِ۔ اوپارے کہ تدوک آ کیہی سال آتا مقابلہ ٹی غٹ آن بھلا کوڑی ءِ۔ اوپارے کہ گڑاس اخبار تا کنڈآن بیرہ پنچ دے انا اسٹاک نا خبر اٹی ہچ ءُ راستکی اس اف ، داسٹی ءُ خبر و راستکی تیان چپ ءِ۔
