جان جوڑی نا بشخ اٹی گچینی اتنگ کن پبی گام گیج و وسیلہ غاتے کاریم اٹ اتنگ اُن، ڈاکٹر فیصل سلطان

اسلام آباد۔ 14 مارچ (اے پی پی) وزیراعظم نا خصوصی کمکار جان جوڑی ڈاکٹر فیصل سلطان پارینے کہ جان جوڑی نا بشخ ننا اولیت ءِ، داٹی گچینی اتنگ کن پبی گام گیج و وسیلہ غاتے کاریم اٹ اتنگ انگ ءِ۔ داخیال آتا درشانی ءِ او دوشنبے نادے آ پاکستان انسٹیٹیوٹ آف میڈیکل سائنسز (پمز) انا دورہ نا وخت آ کرے۔ وزارت جان جوڑی آن جاری بیان نارداٹ ڈاکٹر فیصل سلطان پمز ہسپتال نا ایمرجنسی نا دورہ آسراتی تا جاچ ءِ ہلک۔ اوپارے کہ ہسپتال آتا کارکڑد ءِ پین گچین کننگ کن مانیٹر ہم کننگ انگ ءِ۔ جان جوڑی نا بشخ اٹی الس ءِ گچینی طبی آسراتی فراوان کننگ کن اصلاحات کننگ انگ ءِ۔ جان جوڑی نا بشخ ننا اولیت ءِ۔ جان جوڑی نا بشخ اٹی گچینی اتنگ کن پبی گام گیج و وسیلہ غاتے کاریم اٹ اتنگ اُن۔ اوپارے کہ پمز ہسپتال اسلام آباد نا غٹ آن بھلا ادارہ ءِ، ایمرجنسی نا نظام ءِ گچین کننگ انگ ءِ ، ایمرجنسی نا عملہ ءِ ودفنگانے۔ اوپارے کہ ہراتم قابل مخلوق مریک تو گچین بھرم ملنگ بناکیک۔ اوپارے کہ جان جوڑی کارڈ پروگرام نا کمک اٹ ہسپتال آتییا بھاریم کم مریک۔ پمز ہند ن ءُ ہسپتال اسے ہراڑے پیچیدہ مریض بریک۔ اوپارے کہ پوسکن آ ایمرجنسی ٹاور نا کاریم مسنے۔ پوسکن آ ڈیزین نا وڑآ دا پوسکن آ وارڈ ءِ جوڑ کننگک۔ زیات ناجوڑ مریض آتے دا پوسکن آ وارڈ اٹ جتا تخنگ مریک ۔ بلڈ بینک آن ناجوڑ آتے آب اٹ دتر ملنگ ءِ۔