تہران۔16 اپریل (اے پی پی) ایران ناصدرڈاکٹرحسن روحانی پارینے کہ ایرانئِ مستین اٹی جارحیت نا نشانہ جوڑکننگا ہنداخاطران او تینا سلہہ بندفوج ئِ سوگوومیزائل و جہاز جوڑکننگ کن ہچ گہس آن موکل ہلپک۔تہران اٹی وزارت دفاع نا جدید پیداوارنارونمائی نا دود اٹی اوپارے کہ ایران نا سلہہ بند فوج انا دفاعی بنداو تے سوگوو مستحکم جوڑکننگ نا عمل بیرہ دفاعی وڑانا سے و ایران نا تیارکروک سلہہ غاک اسہ ہم ملک اسے جارحیت نانشانہ جوڑ کننگ کن افس۔صدرایران نا بھازانگا دفاعی ڈٹ آتاکنڈآ اشارہ کرے و پارے کہ ایرانی چاہندارتاکنڈآن تیار کروک آ جنگی جہاز ، ہیلی کاپٹر ، ٹینک و بکتر بند گاڈی، ایرانی الس نا نظر اٹی قابل ذکر اہمیت نا حامل و فخریہ کارنامہ ئُ۔ یات ئُ ذکر اسے کہ ایران نا صدر ڈاکٹر حسن روحانی ایرانی چاہندار آتا تیار کروک کوثر پنی ئُ اولیکو جیٹ تربیتی جہاز، برڈ گائیڈ ڈمیگرانٹ چھ، نصیر اینٹی شپ کروز میزائل و فضا آن فضا ٹی جلہو کروک آ فکور میزائل نا رونمائی ئِ کرے۔
